නීති හා රෙගුලාසි

සෑම සිසු/සිසුවියක්ම දිනපතා පෙ.ව.7.30 ට කලින් සම්පුර්ණ නිල ඇදුමින් පාසලට පැමිණිය යුතුය.

උදෑසන ආගමික වතාවත් සිදු කරන විට ප්‍රමාද වී පාසලට පැමිණෙන සියළු සිසුන් ප්‍රධාන දොරටුව අසලදී පේලියට සිට ආගමික වතාවත් සිදුකළ යුතුය.

ජාතික ගීය හා පාසල් ගීය ගායනා කරන විට සීරුවෙන් සිට එයට ගරු කළ යුතුය.

පාසලේ ඩෙස් පුටු වලට හානි කිරීම / ගොඩනැගිලි වලට හානි කිරීම / වැසිකිලි පද්ධතියට හානි කිරීම නොකළ යුතුය.

තම පන්ති කාමරය හා අවට පරික්ෂා කර පිරිසිදු කරගත යුතුය.

ප්‍රධාන දොරටුවෙන් පමණක් පාසලට පැමිණිය යුතු අතර ඒ සඳහා විකල්ප මාර්ග භාවිතා නොකළ යුතුය.

පන්ති කාමර සහ පාසල් භූමිය තුළ (ක්‍රීඩාපිටිය හැර ) හිස් වැසුම් පැළදීමෙන් වැළකිය යුතුය.

ජංගම දුරකථන පාසලට රැගෙන ඒම හා භාවිතා කිරීම සපුරා තහනම්ය.

කොණ්ඩය තට්ටු කැපීම (ලේයර්) කිරීම රැලි නැති කිරීම (ස්ට්‍රේට්) සපුරා තහනම්.

බාලකයින් කලු සපත්තු හා කළු මේස් පැළඳිය යුතු අතර බාලිකාවන් සුදු සපත්තු සුදු මේස්‌ පැළඳිය යුතුය.

උල් සපත්තු හා ඩෙක් ෂූ පැළඳීම සපුරා තහනම් වේ.

පරිඝණක ගුරුවරුන්ගේ ලිඛිත අවසරයකින් තොරව CD/DVD/VCD තැටි පාසැල තුළට රැගෙන ඒම තහනම්.

10ශ්‍රේණියේ සිට 11 ශ්‍රේණිය දක්වා සිසු සිසුවියන්ට පමණක් අවශ්‍ය නම් කළු හෝ ගුරු පටිය සහිත අත් ඔරලෝසුවක් පැළදිය හැකිය.

රත්තරන් පාට හා රිදී පටිය සහිත ඔරලෝසු පැළඳීම තහනම්.

විවිධ වර්ණයේ නූල් අතේ බැඳීම හා කරේ දැමීම නොකළ යුතුය

.රත්තරන් හා රිදී මාල,මුදු ආදිය පැළඳීම තහනම්ය.(විශේෂ අවසරයක් නොමැතිව)

නියපොතු වැවීම,වර්ණ ගැන්වීම,ඇහිබැම ගෑම නොකළ යුතුය.

පාසලට පැමිණීමෙන් පසු විධිමත් අවසරයකින් තොරව පාසලෙන් බැහැරව යාම නොකළ යුතුය.

පාර මාරුවන සියළු සිසුන් කහ ඉර හරහා පාර මාරු විය යුතුය.

පොත් රැගෙන ඒම සඳහා හෑන්ඩ් බෑග් භාවිතා කිරීම නොකළ යුතුය.